Ngingacela  namhlanje  ,ukuhoshe umoya qede uzibuze ukuthi uyiphila kanjani impilo yakho . Okay,impilo ayiqondakali kwesinye isikhathi futhi ibe manaphanapha .Kodwa phakathi nakho konke lokho uyiphila kanjani impilo yakho ? Kumbe sibeke ngenye indlela ,mbewu yini oyitshalela ikusasa lakho  ?

Ngakho ake sibuke ngamehlo engqondo umlimi thizeni atshale imbewu yombila ze ayivune ngesikhathi esithile .Isimo sezulu sivese sihambisane naye ,kube kuhle konke ,ngakho useqonda ukuyokwenza ezinye izinto ,akhohlwe kwakhona ukuthi luhlobo luni lwembewu alutshala ensimini yakhe  .

Okuthi makuqhuma okuluhlaza enhlabathini bese asole sengathi kukhona okungalungile . “Ngangingatshalanga ukolo   kulomhlabathi “Okuthi uma kuqhubeka izinsuku kucaca ukuthi umbila lo ,ebese ukulindela kwakhe ukuthi kwakuzoba ngukolo kumphoxe .

Ngiyazi mhlawumbe lokhu kuzwakala kungubuwula . Nebala akekho umuntu ongaba siwula kanjalo ! Yebo…ngaphandle uma uthi mawubuka abanye abantu  indlela abaphila ngayo izimpilo zabo ,iningi labo abaphila ukuzinelisa  izintshisekelo zabo ,kodwa futhi ekugcineni kwakho konke babheke ukuvuna  impilo yaphakade ,ebese baphoxwe ukuthi ayisezi kubo ekugcineni .

KwabaseGalathiya  6:8 Ngokuba ohlwanyelela inyama yakhe uyakuvuna ukubhubha kuyo inyama; kepha ohlwanyelela uMoya uyakuvuna ukuphila okuphakade kuMoya.

Shlobo sami ukuthokozisa uNkulunkulu ,ukumlalela ,ukuhamba ngomoya ,ukukholwa nguJesu  nokuphila ngokokuhambisana  uyamkholwa  uJesu ,yindlela eya ekuphileni  okuphakade leyo .

Yiyona ndlela ozovuna ngayo isivuno obusethemba usibhekile . Ngokuba ohlwanyelela inyama yakhe uyakuvuna ukubhubha kuyo inyama

Yilo kanye iZwi likaNkulunkulu leli … Eliza kuwe li-Fresh namhlanje.