Ni huzuni kuikiri, lakini nikikagua moyo wangu, naona kwamba mara nyingi sana, nimekuwa na hisia za kudai haki zangu kila mara.  Ni tabia niliyoirithi kwa kuwa nimezamishwa katika utamaduni wetu hapa ninamoishi.  Sijui wewe ukoje?

Labda ni jambo jepesi kama vile mbwa mdogo anavyobweka jirani.  yule mbwa anapendeza kweli, lakini sauti yake inakuwa kero akiendelea kubweka masaa mengi.

“Nina haki kutulia nyumbani mwangu,” nasema.  Na kweli ninayo haki hiyo nchini kwetu.  Sasa, je!  Nimpelekee malalamiko jirani yangu, au nivumilie tu hadi mbwa atakaokuwa na kuachana na tabia ya utoto?

Jambo la msingi:  Naweza kuvunja uhusiano na jirani au naweza kuuimarisha; naweza kumheshimu Mungu au nimvunjie heshima.  Inategemeana jinsi ninavyoitikia tukio lenyewe.  Yesu alieleza hivi:

Mathayo 5:40-42  Na mtu atakaye kukushitaki na kuitwaa kanzu yako, mwachie na joho pia.  Na mtu atakayekulazimisha mwendo wa maili moja, nenda naye mbili.  Akuombaye, mpe; naye atakaye kukopa kwako, usimpe kisogo.

Wakati mtu anakulegezea mambo, wakati anachukuliana nawe, wakati anakuvumilia … je!  Unajisikiaje?  Unamwonaje mtu yule?

Kama kweli unataka kujulikana kwa nia njema, basi msikilize Yesu.  Kubali kwenda ile maili nyingine ya ziada.

Hili ndilo Neno la Mungu safi na lenye afya kwa ajili yako leo.