Ninawiwa leo niongee na wewe kuhusu jinsi ulioweza kuridhiana na mambo madogo maishani mwako.  Yaani, dhambi zile “ndogo-ndogo” ambazo unadhani kwamba hazina tatizo, zile unazoficha wengine wasizione.

Mungu hatenganishi “dhambi kubwa” na “dhambi ndogo”.  Katika Wagalatia 5:19 anajumlisha kwa orodha yafuatayo:  uasherati, uchafu, ufisadi, ibada ya sanamu, uchawi, uadui, ugomvi, wivu, hasira, fitina, faraka, uzushi, husuda, ulevi, na ulafi. 

Kwa hiyo kusababisha ugomvi kazini ni dhambi kama vile ulevi na ulafi.  Hakuna utofauti.  Kwa hiyo, tuache kujidanganya kwamba tunaweza kunusurika kwa kuridhiana na mambo ambayo Neno la Mungu linayataja kuwa ni dhambi. 

Sikiliza mstari huu … 

1 Yohana 3:8  Atendaye dhambi ni wa Ibilisi; kwa kuwa Ibilisi hutenda dhambi tangu mwanzo.  Kwa kusudi hili Mwana wa Mungu alidhihirishwa, ili azivunje kazi za Ibilisi. 

Jamani, ni mstari wenye tafakuri unaopenya na kuweka bayana maridhiano tunaojaribu kuyatolea udhuru.  Je!  Umesikia yale Mungu anayotwambia leo, wewe na mimi?  Atendaye dhambi ni wa Ibilisi.  Acha Roho Mtakatifu akusadikishe leo ukweli huo. 

Lakini sasa, tupate pia habari njema; Kwa kusudi hili Mwana wa Mungu alidhihirishwa, ili azivunje kazi za Ibilisi.  Hii ndiyo sababu nyeti Yesu alikuja kwa ajili yako.  Kufuta orodha ya dhambi zako. Kuvunja kazi za Ibilisi … maishani mwako. 

Ndiyo sababu Yesu alikuja … kwa ajili yako! 

Hili ndilo Neno la Mungu safi na lenye afya kwa ajili yako leo.