Kungayelana nokuthi uphila kuphi ,lokhu engizokubuza khona kungazwakala kungumdlalo osamsangano. Sewake wawugubha uKhisimusi ngo July? Lutho,kungenzeka kanjani lokho.?

Njengokuba uKhisimusi kithi esisenzansi eNingizimu nebhola lomhlaba kuchaza ukuthi ukufika kukaKhisimusi ngoDecember uwela ehlobo.

Manje besingazibuza ukuthi izindawo zokudla uma kunguJuly yini eziyifaka ematafuleni asuke engakaKhisimusi,yini bengeke bakufake konke ukudla kukaKhisimusi baku decorate kahle qede sikuthokozele kumakhaza .Kuzwakala kuyimpambankwinci lokho kodwa liqiniso esizibuza lona ngokudephisa umqondo .

Futhi lokhu kungenza ngicabange ngokujulile ukuthi kungani sibeka izinsuku ezimbalwa njengo December ukugubha ukufika kweNdodana kaNkulunkulu kulomhlaba na? Umfundisi weBhayibheli owaziwayo odume kakhulu u-John MacArthur uyibeka kanje:

“Abantu abaningi bayakuthokozela ukuzalwa kukaJesu ngoKhisimusi,kodwa uthole ukuthi bayakuziba bakubeke kude le ukukukhumbula kuzo zonke ezinye izikhathi zonyaka.”

Akulona iqiniso lelo? Bangaki abantu abaya esontweni kanye kuphela ngonyaka ,ngosuku lukaKhisimusi? Ngakube yilokho kanye okuyikhona? UMphrofethi u-Isaya ekhuluma ememezela ngokuzalwa kukaJesu kusengamakhulukhulu eminyaka andukuba afike emhlabeni ,wabhala wathi :

Isaya9:6 Ngokuba sizalelwa umntwana, siphiwa indodana; umbuso uyakuba semahlombe akhe, negama lakhe liyakuthiwa uMluleki omangalisayo, uNkulunkulu onamandla, uYise ongunaphakade, iNkosi yokuthula.

Hmm. Kubukeka sengathi kimi ukufika kukaJesu- uMluleki omangalisayo, uNkulunkulu onamandla, uYise ongunaphakade, iNkosi yokuthula.–kufanelwe ngukugujwa unyaka wonke .Ngakho angicele ukukubuza sewake wawugubha uKhisimusi ngo July?

Yilo kanye iZwi likaNkulunkulu leli … Eliza kuwe li-Fresh namhlanje.