Akekho kithi othandayo mase izinto ziqina empilweni.Sonke sakheke ngokuthanda konke kube  buthebelele.Ngakho uma sesisondele kulesosikhathi sobuhlungu ,kukhona esikudingayo kuleyongxaki .Into enamandla ukwakha kithi ukuphikelela ngesineke ngokubekezela.

Izolo ngixoxe ngokuphikelela ngesineke  futhi ngaphinde ngasho ukuthi anginkamunkamu  nokugijima .Uzakwethu uthi uye akhumbule esesemasosheni avese ezwa inhliziyo iba ncane uma ekhumbula babelolongwa kanjani ngokugijima kanzima ubelethe ubucker wamasosha osindayo ,wumjojantaba wesibhamu ,amabhodlela amanzi agcwele ,ngalowomzuzu kwakumele bagijime 9 miles okuyibanga elide kakhulu.Uthi ngisho namanje kuvese kube sengathi yinto le ebiyenzeka izolo, ngendlela e fresh ngayo engqondweni ,nakuba sekwaphela 40 wonke weminyaka .

Uthi kunezinsuku lakhona ,owayeke alingeke ukuvese aphonse ithawula kodwa ukugqugquzelwa ngozakwabo yikho okwakumenza akwazi ukuphikelela noma esezidonsa.Amagama anobumnene ababewasho bethi ,sizogcina sifikile ekugcineni.

Ukukhuthazwa uma ukubheka kahle  kungukhiye  wesinongo sokwakha ukuphikelela .

KwabaseRoma 15:4 Ngokuba konke okwalotshwa ngaphambili kwalotshelwa ukufundiswa kwethu, ukuze ngokubekezela nangenduduzo yemibhalo sibe nethemba

IZwi likaNkulunkuli linamandla ,kodwa kulezokhathi ezinzima ,lingezwakala lisinda lakhona sibheke nobuhlungu.Iphuzu lapha lisekutheni ngesikhathi siduduleka sifuzula ,kwakheka kithi ukuphikelela ,siba ngaba namandla kakhulu kunakuqala,sibe ngabanganyakaziswa ,siqine njengedwala okholweni lwethu  kuYe .

Futhi  lokho ,okuholela ethembeni,uhlobo lwethemba elingakhathali,elingaphoxani.Kodwa manje kungani abantu bazitshele ukuthi bangakwazi ukukwenza lokhu ngaphandle  kokukhuthazwa nguNkulunkulu,ngaphandle kokukhuthazwa yizibhalo ,lokho kuye kungimangalise impela.

… ukuze ngokubekezela[ngokuphikelela ngesineke]  nangenduduzo yemibhalo sibe nethemba Yilona kanye iZwi likaNkulunkulu leli … Eliza kuwe li-Fresh namhlanje..